Borgarleikhúsið

Nýtt leikrit eftir Jón Magnús Arnarsson

Leikritið Tvískinnungur, nýtt íslenskt verk eftir Jón Magnús Arnarsson, verður frumsýnt á Litla sviði Borgarleikhússins föstudaginn 19. október. Jón Magnús er ungt íslenskt leikskáld og er þetta fyrsta leikritið eftir hann sem er sett á svið.

Leikritið segir frá tveimur leikurum sem takast á við tvísaga fortíð, en þau eru leikin af þeim Haraldi Ara Stefánssyni og Þuríði Blævi Jóhannsdóttur. Karakternir í verkinu nota hálf-rímaðan texta til þess að særa og tæla, heilla, meiða, strjúka, svíkja, rífa upp og rífa niður – í  leit að raunverulegum leikslokum.

Leikstjóri verksins er Ólafur Egill Egilsson, Sigríður Sunna Reynisdóttir sér um leikmynd og búninga, Þórður Orri Pétursson um lýsingu, Hermigervill sér um tónlist, Margrét Benediktsdóttir sér um leikgervi og Garðar Borgþórsson um hljóð.

Fréttin er fengin af vef Borgarleikhússins.

- -

Upp