Fréttir

Málfundur um Jónsmessunæturdraum

Í Veröld – húsi Vigdísar í dag kl. 17:00

Samtal við leikhús er málfundaröð til heiðurs Vigdísi Finnbogadóttur þar sem atvinnuleikhúsfólk og fræðimenn koma saman og ræða uppsetningar á leikverkum sem eru í sýningu hjá leikhúsunum.

Að þessu sinni verður viðburðurinn tileinkaður Jónsmessunæturdraumi eftir breska leikskáldið William Shakespeare sem nú er verið að sýna í Þjóðleikhúsinu.

Hvaða erindi á verkið við okkur í dag?
Hvernig nálgast leikstjóri uppsetningu verksins?
Hvernig vinnur þýðandinn úr textanum?

Þessum spurningum og fleirum verður velt upp í Veröld þann 8. apríl, kl. 17:00.

Í pallborði verða Hilmar Jónsson leikstjóri, Ólafía Hrönn Jónsdóttir leikkona, Eva Signý Berger leikmyndahönnuður og Þórarinn Eldjárn þýðandi.

Ingibjörg Þórisdóttir dramatúrgur og doktorsnemi stýrir umræðum.

Samtal við leikhús: http://vigdis.hi.is/samtal_vid_leikhus/

Grein frá Leikhusid.is

- -

Upp