Fréttir

Ég heiti Guðrún frumsýnt í Kúlunni

Ég heiti Guðrún var frumsýnt fyrir skemmstu í Kúlunni, Þjóðleikhúsinu. Núþegar er uppselt á allar 16 sýningar sem áætlaðar voru á verkinu, en það verður einungis sýnt í október. Aðsóknin er slík að leikhúsið ákvað að bæta við 10 sætum í Kúlunni svo hægt væri að selja fleiri miða.

Á vefsíðu Þjóðleikhússins stendur þetta um verkið:

„Ég heiti Guðrún hefur farið sigurför um Norðurlönd frá því verkið var frumflutt árið 2014. Guðrún nýtur velgengni, hún er glæsileg, góður blaðamaður, snilldarkokkur og á marga góða vini. Hún er kona sem hefur fulla stjórn á eigin lífi, þangað til…

Ég heiti Guðrún er sorglegur gamanleikur um innilega vináttu fjögurra kvenna. Þegar Guðrún er greind með Alzheimers-sjúkdóm 55 ára gömul ákveða vinkonurnar að styðja hana allt til hinstu stundar. Sjúkdómur Guðrúnar fær þær allar til að velta fyrir sér lífinu sem þær hafa lifað og ákvörðunum sem þær hafa tekið.

Leikstjóri er Pálína Jónsdóttir. Það er leikkonan Sigrún Waage sem hefur veg og vanda af uppsetningunni en verkefnið er mjög persónulegt fyrir hana sem, líkt og svo margir aðrir, hefur horft upp afleiðingar Alzheimers-sjúkdómsins.

Leikarar í sýningunni, auk Sigrúnar, eru þær Elva Ósk Ólafsdóttir, Lára Jóhanna Jónsdóttir og Vigdís Gunnarsdóttir. Leikstjóri er sem fyrr segir Pálína Jónsdóttir, en þær Filippía I. Elísdóttir gera leikmynd og Filippía sér jafnframt um búninga. Hermann Karl Björnsson sér um lýsingu og myndband gerir Ásta Jónína Arnardóttir. Anna Halldórsdóttir sér um tónlist og þau Kristinn Gauti Einarsson gera hljóðmynd. Þýðandi er Magnea Matthíasdóttir.“

Miðasölu á Ég heiti Guðrún má finna hér, ef það er ekki löngu orðið uppselt.

- -

Upp