Fréttir

Dansandi ljóð – Leikhúslistakonur 50+

Mynd: Þjóðleikhúsið

Sýning byggð á ljóðum Gerðar Kristnýjar frumsýnd á laugardagskvöld.

Leiksýningin Dansandi ljóð verður frumsýnd í Kjallaranum á laugardagskvöldið í samstarfi við Leikhúslistakonur 50+. Leikstjóri er Edda Þórarinsdóttir.

Í verkinu er sögð ævisaga konu frá fæðingu til fullorðinsára og túlka leikkonurnar líf hennar, ástir og örlög í ljóðum, dansi og tónlist. Dansandi ljóð er “ljóðasaga” sem Edda Þórarinsdóttir leik- og söngkona hefur samið og byggir hún á ljóðum úr bókum Gerðar Kristnýjar Guðjónsdóttur Ísfrétt, Launkofa, Höggstað og Ströndum.

Leikarar í sýningunni eru Bryndís Petra Bragadóttir, Helga E. Jónsdóttir, Margrét Kristín Sigurðardóttir (Fabúla), Júlía Hannam, Rósa Guðný Þórsdóttir, Sólveig Hauksdóttir, Vilborg Halldórsdóttir og Þórey Sigþórsdóttir. Leikmynd og búninga gerir Helga Björnsson. Margrét Kristín Sigurðardóttir (Fabúla) er höfundur tónlistar. Ásdís Magnúsdóttir og Ingibjörg Björnsdóttir sjá um sviðshreyfingar.

- -

Upp